• ИДИЗОДА ФАЙЗАЛӢ ФУЗАЙЛШО Муроҷиат кардан

    6 майи соли 2021 вакили

    Маҷлиси намояндагони Маҷлиси Олии

    Ҷумҳурии Тоҷикистон интихоб шудааст.

3-юми январи соли 1977 дар ноҳияи Ғарм (ҳозира Рашт)-и  Ҷумҳурии Тоҷикистон дар оилаи зиёӣ таваллуд шудааст.
Пас аз хатми мактаби миёнаи рақами 3-и ноҳияи Ғарм  ба шуъбаи рӯзонаи факултаи ҳуқуқшиносии Донишгоҳи миллии Тоҷикистон  дохил шуда, онро  соли  1998 бо ихтисоси ҳуқуқшинос хатм намудааст.
Фаъолияти кориро  дар  шуъбаи полиси андози гурӯҳи ноҳияҳои Рашт  ба ҳайси таҳқиқотчӣ оғоз кардааст.
5 апрели соли 2001 ба тариқи гузариш ба мақомоти прокуратура гузашта, то 4 марти соли 2008 дар вазифаи муфаттиши прокуратураи ҳарбии минтақаи Қаротегин, воқеъ дар шаҳраки Ғарми ноҳияи Рашт,  кор кардааст.
Моҳи  сентябри соли 2008 ба шуъбаи рӯзонаи аспирантураи Бахши   ҳуқуқи байналмилалии  Институти давлат ва ҳуқуқи Академияи илмҳои Россия дохил шуда, то моҳи июли соли 2011 дар ин муассиса  таҳсили илм намудааст.
16 июни соли 2011 рисолаи номзадиашро дар мавзӯи «Асосҳои байналхалқӣ-ҳуқуқии иштироки созмонҳои байналмилалӣ  дар ҳалли низои мусаллаҳонаи Тоҷикистон» ҳимоя намудааст.
Пас аз хатми аспирантура аз 1 сентябри соли 2011 сар карда, дар кафедраи ҳуқуқи байналхалқии факултети ҳуқуқшиносии Донишгоҳи миллии Тоҷикистон ба ҳайси ассистент ва муаллими калон   кор карда истода,  ба донишҷӯён аз фанҳои ҳуқуқи байналмилалӣ ва ҳуқуқи Аврупо дарс дода истодааст.
Дар асоси фармоиши ректори Донишгоҳи миллии Тоҷикистон  аз  6 марти  соли 2012  ба вазифаи муовини декани факултети ҳуқуқшиносӣ оид ба илм таъин гардидааст. Аз 9 апрели соли 2013 ба вазифаи муовини  декани факултети мазкур оид ба корҳои таълим интиқол шудааст.
Бо фармоиши вазири маорифи Ҷумҳурии Тоҷикистон аз 11 июли соли 2013 ба вазифаи муовини ректори Донишкадаи омӯзгории Тоҷикистон дар ноҳияи Рашт оид ба таълим таъин гардидааст.
Аз 1 сентябри  соли 2014 то 30 сентябри соли 2015 дар вазифаи муовини декани факултети ҳуқуқшиносии  Донишгоҳи миллии Тоҷикистон оид ба корҳои тарбия ва аз 24 октябри соли 2015 то  инҷониб дар вазифаи дотсенти кафедраи ҳуқуқи байналхалқии  факултети мазкур кор карда истодааст.
19 январи соли 2018 бо фармони Президенти Ҷумҳурии Тоҷикистон ба вазифаи директори Маркази миллии қонунгузории назди Президенти Ҷумҳурии Тоҷикистон таъин гардида, то 30 июли ҳамон сол дар ин вазифа кор кардааст.
Бо қарори Ҳукумати Ҷумҳурии Тоҷикистон аз 30 июли соли 2018 ба вазифаи  ректори Муассисаи давлатии таълимии «Донишкадаи омӯзгории Тоҷикистон дар ноҳияи Рашт» таъин гардида, то 21 январи соли 2020 дар ин вазифа кор кардааст. 
Бо амри Президенти Ҷумҳурии Тоҷикистон аз 6 марти соли 2020 ба вазифаи Сардори раёсати маориф, фарҳанг ва иттилооти Дастгоҳи иҷроияи Президенти Ҷумҳурии Тоҷикистон таъин гардида, то 4 майи соли 2021 дар ин вазифа кор кардааст.
Аз 6 майи соли 2021 ҳамчун вакили Маҷлиси намояндагони Маҷлиси Олии Ҷумҳурии Тоҷикистон ва аз 14 майи соли 2021 ба ҳайси раиси Кумитаи сохтори давлатӣ ва худидоракунии маҳаллии Маҷлиси намояндагони  Маҷлиси Олии Ҷумҳурии Тоҷикистон кор карда истодааст.
Аз соли 2015  узви Ҳизби Халқии Демократии Тоҷикистон мебошад.  
Оиладор, соҳиби чор фарзанд. Рутбаи ҳарбиаш–майори адлия.