• ҚУРБОНЗОДА МАҲМАДАЛИ РАҲМАТ Муроҷиат кардан

    14 августи соли 2022 вакили

    Маҷлиси намояндагони Маҷлиси Олии

    Ҷумҳурии Тоҷикистон интихоб шудааст.

Қурбонзода Маҳмадали  Раҳмат, 20-уми феврали соли 1985 таваллуд шудаам, шаҳрванди Ҷумҳурии Тоҷикистон дар оилаи хизматчӣ таваллуд шудаам.
Баъди хатми мактаби таҳсилоти миёнаи умумии рақами 33-и ноҳияи Восеъ соли 2002-юм ба факултети иқтисодии Донишгоҳи аграрии Тоҷикистон ба номи Шириншоҳ Шоҳтемур дохил шуда, онро соли 2007 аз рӯи ихтисоси ҳисоби бухгалтерӣ ва аудит бо дипломи аъло хатм намудам. Ҳамчунин, соли 2022 Академияи идоракунии давлатии назди Президенти Ҷумҳурии Тоҷикистон дар зинаи таҳсилоти дуюм аз руйи ихтисоси идоракунии давлатӣ хатм намудам.
Фаъолияти меҳнатиамро худи ҳамон сол ба сифати ходими хурди илмии Институти иқтисодиёти кишоварзии Академии илмҳои кишоварзии Тоҷикистон оғоз намуда, минбаъд дар ҳамин пажуҳишгоҳ дар вазифаҳои ходими хурди илмӣ (аз 03.08.2007 то 03.10.2007), иқтисодчӣ (аз 03.10.2007 то 07.01.2008), аспиранти шуъбаи рӯзона ва раиси олимони ҷавони Институти иқтисодиёти кишоварзии Академияи илмҳои кишоварзии Тоҷикистон (аз 01.01.2008 то 01.01.2012), ходими илмӣ (06.04.2011 то 27.05.2011) фаъолият намудам, ғайр аз ин, аз 27.05.2011 то 09.01.2012 дар вазифаи муаллими калони кафедраи фаъолияти бонкии Донишкадаи иқтисодии Тоҷикистон, аз 10.01.2012 то 26.01.2012 дар вазифаи ходими калони илмӣ ва аз 26.01.2012 то 14.01.2013 дар вазифаи мудири шуъбаи омӯзиши муаммоҳои иҷтимоию-иқтисодии ноҳияҳои кӯҳистони Институти иқтисодиёти кишоварзии Академияи илмҳои кишоварзии Тоҷикистон фаъолият намудаам.
Аз 09.04.2013 то 29.09.2014 дар вазифаи мудири кафедраи идоракунии давлатӣ ва маҳаллии факултети иқтисод ва идораи Донишгоҳи миллии Тоҷикистон фаъолият худро довом додам.
Аз 29.09.2014 то 18.02.2020 дар вазифаи директори Коллеҷи технологии шаҳри Душанбе, аз 18.02.2020 то 20.11.2020 дар вазифаи директори Коллеҷи информатика ва техникаи компютерии шаҳри Душанбе фаъолият намудам.
Аз 20.11.2020 ба тариқи гузариш ба вазифаи ректори Донишгоҳи давлатии тиҷорати Тоҷикистон тайин шуд.

Аз 14 августи соли 2022 вакили Маҷлиси намояндагони Маҷлиси Олии Ҷумҳурии Тоҷикистон интихоб шудааст.

Соли 2014 бо Ҷоизаи Исмоили Сомонӣ барои олимони ҷавон дар соҳаи илм ва техника сазовор дониста шудам.
Соли 2015 унвони Аълочии маориф ва илми Ҷумҳурии Тоҷикистонро соҳиб гаштам.
Соли 2021 бо Медали “Хизмати шоиста” қадрдонӣ гардидам.
Узви ҲХДТ аз соли 2011 ва вакили Маҷлиси вакилони ноҳияи Фирдавсии шаҳри Душанбе даъвати шашум мебошам.
Доктори илмҳои иқтисодӣ, дотсент, муаллифи беш аз 50 асари илмӣ, аз он ҷумла 4 китоби дарсӣ ва 3 монография мебошам.