НИЗОМНОМАИ тартиби ҳисоб кардани собиқаи хизмати давлатӣ

24 Апрел 2008, Панҷшанбе

Бо Фармони Президенти   Ҷумҳурии Тоҷикистон  аз 24 апрели соли 2008 № 449 тасдиқ шудааст
 
  1. Муқаррароти умумӣ
 
  1. Низомномаи тартиби  ҳисоб  кардани  собиқаи  хизмати  давлатӣ
(минбаъд  —  Низомнома)  давраҳои  фаъолияти  меҳнатиеро,  ки  собиқаи
хизмати  давлатӣ  ҳисоб  карда  мешаванд,  инчунин  тартиби  аз тарафи
комиссияи мақомоти давлатӣ ҳисоб  кардани  собиқаи  хизмати  давлатиро
муайян менамояд.
  1. Собиқаи хизмати давлатӣ — фаъолияти меҳнатии хизматчии давлатӣ
дар   мақомоти   давлатии  пешбининамудаи  моддаи  6  Қонуни  Ҷумҳурии
Тоҷикистон «Дар бораи хизмати давлатӣ» ва банди  5  Низомномаи  мазкур
мебошад,  ки  ба  хизматчии  давлатӣ  имконияти  гирифтани  кафолатҳои
иҷтимоии   муқаррарнамудаи   санадҳои   меъёрии    ҳуқуқии    Ҷумҳурии
Тоҷикистонро фароҳам меорад.
  1. Собиқаи хизмати давлатӣ  барои  гирифтани  кафолатҳои  зерини
иҷтимоии хизматчии давлатӣ асос мебошад:
     -гирифтани иловапулӣ барои собиқаи хизмати давлатӣ;
     -рухсатии иловагии ҳарсолаи пардохтшаванда;
     -баромадан ба нафақа тибқи қонунгузории Ҷумҳурии Тоҷикистон;
     -гирифтани кўмакпулии яквақта дар сурати ба нафақа баромадан;
     -ройгон ба моликияти хизматчии давлатӣ додани  хонаи  истиқоматии
дар  фонди  манзили давлатӣ ишғолкарда (ба ғайр аз хонаҳои истиқоматии
хизматӣ);
     -таъин шудан  ба  мансабҳои  маъмурии хизмати давлатии категорияи
дахлдор;
     -дигар кафолатҳои  иҷтимоие,  ки қонунгузории Ҷумҳурии Тоҷикистон
муқаррар намудааст.
 
  1. Фаъолияти меҳнатие, ки ба собиқаи
                 хизмати давлатӣ дохил карда мешавад
 
  1. Ба собиқаи  хизмати  давлатӣ  давраи  фаъолияти  шаҳрванд дар
мансабҳои давлатии ҳокимияти  давлатӣ,  мансабҳои  сиёсӣ  ва  маъмурии
хизмати  давлатӣ,  хизмат  дар  мақомоти ҳифзи ҳуқуқ ва хизмати ҳарбӣ,
инчунин фаъолият дар мансабҳои мақомоти худидоракунии шаҳрак ва деҳот,
ки   дар  Феҳристи  мансабҳои  давлатии  Ҷумҳурии  Тоҷикистон  пешбинӣ
шудаанд, дохил мешаванд.
  1. Ба собиқаи хизмати давлатии хизматчиёни давлати ҳамчунин дохил
мешаванд:
     -давраи кор дар мақомоти интихобӣ, ҳизбӣ, комсомолӣ ва иттифоқҳои
касабаи собиқ Иттифоқи  Ҷумҳуриҳои  Шўравии  Сотсиалистӣ  ва  Ҷумҳурии
Шўравии Сотсиалистии Тоҷикистон то 9 сентябри соли 1991;
     -давраи кор дар мақомоти давлатӣ,  дар  системаи  бонки  давлатӣ,
назорати давлатӣ (халқӣ), арбитражи давлатӣ, мақомоти гумрук ва андоз,
дар намояндагиҳои дипломатӣ,  муассисаҳои консулӣ ва тиҷоратии  собиқ,
Иттифоқи   Ҷумҳуриҳои   Шўравии   Сотсиалистӣ   ва   Ҷумҳурии  Шўравии
Сотсиалистии Тоҷикистон, дар мансабҳое, ки ба хизматрасонии техникӣ ва
таъминоти фаъолияти ин мақомот алоқаманд нестанд;
     -давраи адои хизмати ҳақиқии ҳарбии ҳайати  афсарон,  прапоршикҳо
ва  дигар  хизматчиёни  ҳарбӣ дар Қувваҳои Мусаллаҳ,  қўшунҳои дохилӣ,
қисмҳои сарҳадӣ,  мақомоти идоракунӣ  ва  қисмҳои  мудофиаи  гражданӣ,
Кумитаи  амнияти  давлатӣ  ва  дигар  воҳидҳои  низомии собиқ Иттифоқи
Ҷумҳурихои  Шўравии  Сотсиалистӣ  ва  Ҷумҳурии  Шўравии   Сотсиалистии
Тоҷикистон;
     -давраи кор дар  намояндагиҳои  доимии  Ҷумҳурии  Тоҷикистон  дар
ташкилотҳои байналмилалӣ, байнидавлатӣ (байниҳукуматӣ);
     -давраи кор дар хориҷа,  ки бо роҳхати мақомоти давлатӣ, аз ҷумла
мақомоти  собиқ  Иттифоқи  Ҷумҳуриҳои  Шўравии Сотсиалистӣ ва Ҷумҳурии
Шўравии  Сотсиалистии  Тоҷикистон  сурат  гирифтааст,  агар  шахс  дар
муддати ду моҳ аз рўзи бозгашт ба хизмати давлатӣ дохил шуда бошад;
     -давраи кор дар мансаби  охирини  ташкилоти  давлатии  ба  низоми
хизмати  давлатӣ  дохилнабуда,  агар  корманд  дар асоси амр,  фармон,
розигии  хаттии  Президенти  Ҷумҳурии  Тоҷикистон,   фармоиш,   қарори
Ҳукумати  Ҷумҳурии Тоҷикистон фаъолият карда бошад ва ё дар асоси амр,
фармон, розигии хаттии Президенти Ҷумҳурии Тоҷикистон, фармоиш, қарори
Ҳукумати Ҷумҳурии Тоҷикистон ба хизмати давлатӣ гузашта бошад;
     -давраи рухсатии иҷтимоии хизматчии давлатӣ,  ки мутобиқи Кодекси
меҳнати Ҷумҳурии Тоҷикистон дода шудааст;
     -давраи рухсатиҳои бемузди муқаррарнамудаи қонунгузории  Ҷумҳурии
Тоҷикистон;
     -давраи таҳсил (тайёркунии касбӣ, азнавтайёркунӣ, такмили ихтисос
ва  таҷрибаомўзӣ),  ки  бо  роҳхати мақомоти давлатӣ сурат гирифтааст,
агар хизматчии давлатӣ қабл  аз  фаро  гирифта  шудан  ба  таҳсил  дар
хизмати  давлатӣ  бошад  ва  баъди  хатми  он  ба ҳамон ё дигар мақоми
давлатӣ ба хизмати давлатӣ баргашта бошад;
     -давраи адои хизмати ҳарбӣ тибқи даъват;
     -давраи адои хизмати ҳақиқии ҳарбии ҳайати афсарон  (ба  ғайр  аз
ҳайати   қаторӣ)  дар  Қувваҳои  Мусаллаҳ,  қўшунҳои  дохилӣ,  қисмҳои
сарҳадӣ,  мақомоти идоракунӣ ва  қисмҳои  мудофиаи  гражданӣ,  Қумитаи
давлатии амнияти миллии Ҷумҳурии Тоҷикистон, собиқ Гвардияи Президенти
Ҷумҳурии Тоҷикистон,  Гвардияи миллии  Ҷумҳурии  Тоҷикистон  ва  дигар
воҳидҳои низомии Ҷумҳурии Тоҷикистон;
     -давраи адои хизмати ҳайати қаторӣ  ва  роҳбарикунандаи  мақомоти
корҳои   дохилӣ,  воҳидҳои  ҳарбикунонидашудаи  зидди  сўхтор,  ҳимояи
тартиботи ҷамъиятӣ,  дигар воҳидҳои сохтории мақомоти  корҳои  дохилӣ,
мақомот ва муассисаҳои Раёсати корҳои ислоҳии Вазорати адлияи Ҷумҳурии
Тоҷикистон;
     -давраи адои хизмат дар мақомоти прокуратура;
     -давраи адои хизмат дар Агентии назорати маводи нашъаовари  назди
Президенти Ҷумҳурии Тоҷикистон;
     -давраи адои  хизмат  дар  мансабҳои  афсарӣ  ва  роҳбарикунандаи
воҳидҳои посбонии ҳарбикунонидашуда, мақомоти махсуси алоқа ва қисмҳои
наҷотдиҳӣ (новобаста аз тобеъияти идоравӣ ва мавҷудияти рутба);
     -давраи дур  намудани  хизматчии  давлатӣ  аз  иҷрои  ўҳдадориҳои
мансабӣ,  агар  дар  натиҷаи  санҷиши  хизмати  қонунӣ  дур   намудани
хизматчии давлатӣ аз иҷрои ўҳдадориҳои мансабӣ тасдиқ нагашта бошад;
     -давраи ғайриқонунӣ дар ҳабс нигоҳ доштан ва адо  намудани  ҷазо,
агар  нисбати  хизматчии  давлатӣ  тибқи  тартиби  муқарраршуда  ҳукми
сафедкунандаи суд бароварда шуда бошад;
     -давраи ғайриқонунӣ   аз   кор   озод   будан  ё  ба  кори  дигар
гузаронидан,  агар хизматчии давлатӣ ба ҷойи кори  пештарааш  барқарор
шуда бошад;
     -дигар ҳолатҳое,  ки қонунгузории  Ҷумҳурии  Тоҷикистон  муқаррар
намудааст.
 
          III. Тартиби ҳисоб кардани собиқаи хизмати давлатӣ
 
  1. Давраҳои фаъолияти меҳнатӣ, ки ҳамчун собиқаи хизмати давлатӣ
ҳисоб карда мешаванд,  сарфи назар аз мўҳлати қатъ шуданашон бо солҳо,
моҳҳо ва рўзҳо ҳисоб карда мешавад.
  1. Ҳуҷҷатҳои асосии фаъолияти  меҳнатии  хизматчии  давлатӣ,  ки
собиқаи  хизмати  давлатиро  тасдиқ  мекунанд,  дафтарчаи  меҳнатӣ  ва
ҳуҷҷатҳои делои шахсии хизматчии давлатӣ мебошанд.
  1. Дар сурати  набудани  сабти зарурӣ ё нодуруст ва ғалат будани
сабти давраҳои корӣ,  собиқаи меҳнатӣ аз  рўи  маълумотномаҳо,  нусхаи
қарорҳо  (фармонҳо,  амрҳо ва дигар санадҳои мақомоти дахлдори давлатӣ
ва шахсони мансабдори онҳо) дар  бораи  ба  мансаби  давлатии  хизмати
давлатӣ  таъин ва озод кардани шаҳрванд,  ҳисобҳои шахсӣ,  ведомостҳои
пардохти музди меҳнат ва дигар ҳуҷҷатҳое,  ки ба таври расмӣ фаъолияти
меҳнатиро исбот мекунанд, тасдиқ карда мешавад.
  1. Собиқаи хизмати давлатӣ аз тарафи Комиссияи мақомоти  давлатӣ
оид  ба  ҳисоб  намудани  собиқаи  хизмати давлатӣ (минбаъд -Комиссия)
муайян карда мешавад.  Комиссия аз тарафи роҳбари мақомоти давлатӣ дар
ҳайати на камтар аз 3 нафар ташкил карда мешавад.
  1. Комиссия аз рўи зарурат ҷаласа мегузаронад ва оид ба натиҷаи
ҳисоб намудани собиқаи хизмати давлатӣ протокол тартиб медиҳад.
  1. Протокол тавассути фармони  (амри)  роҳбари  мақоми  давлатӣ
тасдиқ  гардида,  нусхаи  фармон  (амр)  ва  протокол  дар  муҳосибот,
хадамоти кадрӣ ва делои шахсӣ нигоҳ дошта мешаванд.
  1. Баҳсҳои вобаста бо муайян намудани собиқаи хизмати давлатӣ аз
тарафи мақоми болоӣ,  мақоми ваколатдори соҳаи хизмати давлатӣ ва  суд
баррасӣ карда мешаванд.

Илова кунед